CA STUDENT ki KAHAANI a must read story with POEM effects

CA STUDENT ki KAHAANI a must read story with POEM effects :)

Apni Profile ke bojh tale daba jaa raha hai,
Wo dekho ek Chartered Accountant ja raha hai,
Zindagi se hara hua hai,
Par " Balance sheet Tally " karne se haar nahi manata,
Apne excel sheet ki ek ek line ise rati hui hai,
Par aaj kaun se rang ke moje pehne hain, ye nahi janata,
Din par din ek excel file banata ja raha hai
Wo dekho ek Char
tered Accountant ja raha hai,


Das hazaar line ki file main
error dhoond lete hain lekin,
Majboor dost ki ankhon ki nami dikhayi nahi deti,
PC pe hazaar windows khuli hain,
Par dil ki khidki pe koi dastak sunayi nahi deti,
Satuday-sunday nahata nahi,
week days ko naha raha hai,
Wo dekho ek Chartered Accountant ja raha hai,

linking karte karte pata hi nahi chala,
"Excel" ki priority kab maa-baap se high ho gayi,
Kitabon main gulab rakhne wala ,
cigerette ke dhuyen main kho gaya,
Dil ki zameen se armaanon ki vidayi ho gayi,
Weekends pe daroo peke jo jashna mana raha hai,
Wo dekho ek Chartered Accountant ja raha hai,

Maze lena ho iske to pooch lo,
"Salary Increment" ki party kab dila rahe ho,
Hansi udana ho to pooch lo,
"Leave" pe kab ja rahe ho?
Leave se laute team-mate ki chocolates kha raha hai,
Wo dekho ek Chartered Accountant ja raha hai,

Kharche badh rahe hain,
Baal kam ho rahe hain,
Income Tax ke sitam ho rahe hain,
Lo phir se bus choot gayi,
Auto se aa raha hai,
Wo dekho ek Chartered Accountant ja raha hai,

Pizza gale se nahi utarta,
To "Coke" ke sahare nigal liya jata hai,
Office ki "Thali" dekh munh hai bigadta,
Maa ke hath ka wo khana baar roz yaad ata hai,
"Sprout bhel" bani hai phir bhi,
free "Evening Snacks" kha raha hai,
Wo dekho ek Chartered Accountant ja raha hai.

Hazaron ki tankhwah wala, company ki karodon ki jeb bharta hai, Chartered Accountant wahi ban sakta hai, jo lohe ka jigar rakhta hai, Hum log jee jee ke marte hain , zindagi hai kuch aisi, Ek fauj ki naukri, doosri Chartered Accountant ki , dono ek jaisi, Is kavita ka har shabd mere dil ki gehrayi se aa raha hai, Wo dekho ek Chartered Accountant ja raha hai